Халдварт өвчин судлалын үндэсний төвөөс Улаанбурхан өвчний нөхцөл байдлын мэдээлэл өглөө. Улсын хэмжээнд улаанбурхан өвчний 220 тохиолдол батлагдаж, 112 хүн эмнэлэгт хэвтэн эмчлүүлж байгаа бол 18 хүн гэрээ эмчилгээ хийлгэж байна. Мөн эдгэрсэн 90, сэжигтэй 114 хүн эмнэлгийн хяналтад байна. Батлагдсан тохиолдлын хавьтлын тоо 7220 байна. Нийт өвчилсөн тохиолдлын 85 хувь нь 10-14 насныхан байгаа аж.
Улаанбурхан өвчний тохиолдлууд ихэвчлэн Ерөнхий боловсролын сургуульд голомтлон гарч байгаатай холбоотой хамт сурдаг, ажиллаж байгаа хүүхэд, иргэд халдвараас сэргийлэх үүднээс улаанбурханы эсрэг вакцинд хамрагдан өөрийгөө болон бусдыг улаанбурхан өвчнөөс хамгаалах боломжтой юм.Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм.
